|
" ماڵی کورد " به هاوبه‌شی له‌گه‌ڵ ژماره‌یه‌ک له
ڕۆشنیرو هه‌وادارانی بیری ئازادی ، به یارمه‌تی "
کورد تی ڤی" کۆبوونه‌وه‌یه‌کی له هۆڵی ماڵی کورد له
شاری ڤانکۆڤه‌ری که‌نه‌دا ساز کرد . شوان چاوشین
یه‌کێک له به‌ڕێوه‌به‌رانی ماڵی کورد سه‌ره‌تا به
خێرهاتنی ئاماده‌بووانی کرد ، که له نێویاندا
مامۆستا " په‌شێو" ی شاعیریش ئاماده‌ی ئه‌م
کۆبوونه‌وه‌یه ببوو .
قسه که‌رانی ئه‌م دانیشتنه بریتی بوون له :-
1- عه‌بدالله سلێمان (مه‌شخه‌ڵ ) شاعیرونووسه‌ر
2- دارا عه‌لی شاعیر
3- خالید عه‌زیزی (دلێر) شاعیرو وه‌رگێڕ
4- ئه‌کره‌م چاوشین هه‌ڵسوڕاوی سیاسی
ته‌وه‌ره‌ی قسه‌و باسه‌کان بریتی بوون له : سوربوون
له درێژه پێدانی بزوتنه‌وه‌ی ناڕازایه‌تی دژ به
سه‌رکوتی ئازادی سیاسی . به‌رده‌وام بوون له
چالاکیه‌کانی دژ به تیرۆری سیاسی به گشتی و تیرۆری
ڕۆژنامه‌نووسان به‌تایبه‌تی . ته‌وره‌یه‌کی تری
کۆبوونه‌وه‌که بریتی بوو له ئیدانه‌کردنی حوکمی
له‌سێداره دانی پێنچ تێکۆشه‌ر ، که له‌سه‌ر
بیرباوه‌ری سیاسیان ئاخنرابوونه زیندانه‌کانی ڕژێمی
جمهوری ئیسلامی ئێران به ده‌ستی ئه‌م ڕژێمه له
مانگی مه‌ی ئیعدام کران .
دوا بڕگه‌ی به‌رنامه‌ی ئه‌م کۆبوونه‌وه‌ی بریتی بووله
بانگه‌وازێکی فه‌رمی ، که ئه‌ندامانی لیژنه‌ی
کۆکردنه‌وه‌ی کۆمه‌کی مالی بۆ پڕۆژه‌ی دروست کردنی
په‌یکه‌ر بۆ سه‌رده‌شت عوسمان له‌م کۆبوونه‌وه‌یه
پێشکه‌شیان کردو ئاماده‌بوان کۆمه‌که‌کانیان پێشکه‌شی
ئه‌م لیژنه‌یه کرد.
ماڵی کورد له
ڤانکۆڤه‌ر،13/06/2010
|