رۆژنامه‌ی VG ى نه‌رویج له‌زاری یه‌نس ستۆلتنبه‌رگ سه‌ره‌ک وه‌زیرانی نه‌رویج كه هاوکات سه‌رۆکی پارتی کاری نه‌رویجیشه، بڵاویكرده‌وه‌: کرێکار به‌ زووترین کات له‌ نه‌رویج ده‌رده‌کێت.
وتيشى: سه‌‌ره‌تای ئه‌م هه‌فته‌یه‌ کرێکار په‌یامێکی هه‌ڕه‌شه‌ئامێزی ئاڕاسته‌ی ئه‌و به‌رپرسانه‌ كردووه‌ که‌ هه‌وڵی به‌زۆر ناردنه‌وه‌ی ده‌ده‌ن و وتویه‌تی: ئه‌و به‌رپرسانه‌ ژیان له‌ده‌ستده‌ده‌ن.
به‌پێی وته‌ی سه‌رۆک وه‌زیرانی نه‌رویج "ئه‌م هه‌ڕه‌شه‌یه‌ى کرێکار له‌کۆبوونه‌وه‌یه‌کی رۆژنامه‌وانیدا هاتووه که‌ ته‌نها رۆژنامه‌نووسه‌ بيانييه‌کان ئاماده‌ بوون و رێگه نه‌دراوه‌ رۆژنامه‌نووسه‌ نه‌رویجییه‌کان ئاماده‌بن" .
وتیشی: کرێکار له‌هه‌ڕه‌شه‌كه‌یدا ده‌ڵێت: گه‌ر په‌نابه‌رنه‌ به‌ر به‌زۆرناردنه‌وه‌م ئه‌وا (أنصار الإسلام) و (القاعدة) و خزمان و براو که‌سوکارم تۆڵه‌ی خوێناوی له‌حکومه‌تی نه‌رویج ده‌که‌نه‌وه‌ به‌تایبه‌تی له‌سه‌رکرده‌ی پارتی راستڕه‌و ئارنا سۆلبێرگ که‌ پێشتر سه‌رۆکی شاره‌وانی ئۆسلۆ بووه‌.
سه‌رۆک وه‌زیرانی نه‌رویج راشیگه‌یاند: په‌یامه‌که‌ی کرێکار به‌هه‌ند وه‌رناگیرێت و ناشتوانێت مافی په‌نابه‌ری به‌هه‌ڕه‌شه‌و تۆڵه‌سه‌ندنه‌وه‌ وه‌رگرێت، گه‌ر له‌عیراق په‌یمانی ئه‌وه‌مان پێ بدرێت كه‌ڕوبه‌ڕووی كوشتن نابێته‌وه‌، ئه‌وا ئێمه‌ کرێکار به‌ زووترین کات ده‌نێرینه‌وه.

http://www.vg.no/nyheter/innenriks/artikkel.php?artid=10008762