گوزاره‌ی نه‌وه‌ی دووه‌می کورد له‌هه‌نده‌ران
سه‌رکۆشی حاجی !

  

دڵشاد تاقانه‌



له‌هه‌رشوێنێکی شاری هه‌ولێره‌وه ته‌ماشای ده‌کرد قه‌راتی ده‌بینی ئه‌و چێوه‌ باڵاخانه‌ییه‌ به‌سه‌ر گردێکی ده‌ور‌ نشێو له‌چه‌قی شاردا ، بیر و ئه‌ندێشه‌ی‌ ده‌برده‌وه‌ هه‌زاران ساڵ به‌ر له‌ئێستا چۆن دروستکراوه‌ یا پارێزراوه‌ کۆنترین شاری مێژووی لانه‌ی مرۆڤایه‌تی یه‌ ، له‌گه‌ڵ خۆی ده‌گۆت: ده‌بوو له‌م سه‌رده‌مه‌ی ئێستادا شه‌وان چراخانی ده‌وری شه‌وه‌زه‌نگی تاریکی بدره‌وشاندبایه‌وه‌ ، کێشه‌ری هه‌زاران گه‌شتیار و شوێنه‌وارناسی جیهانی بووایه‌ . کیژه‌ کورده‌ی هه‌نده‌رانی زۆر سه‌رسامی قه‌ڵات بوو له‌هه‌موو گۆشه‌ی کۆڵان و شه‌قامێکه‌وه‌ ئه‌وه‌ندی بۆی بکرابا له‌نێوان باڵه‌خانه‌ به‌رز و نزمه‌کانیش چاوی بۆ ده‌گێڕا له‌هه‌ر ته‌ماشه‌یه‌کی هه‌ناسه‌یه‌کی ئاسوده‌یی هه‌ڵده‌کێشا که‌ کورده‌ و خاوه‌نی ئه‌م قه‌ڵاشاره‌یه‌ . به‌ناو بازاڕ له‌قه‌ڵاباڵغیه‌کانی قه‌یسه‌ریدا كه‌ شان شانی ده‌سمی به‌زۆر ڕه‌وی ده‌کرد ، ئا له‌وێ وه‌ک باوه‌ کوڕانی په‌لاروه‌شێن هه‌رزه‌گۆیی بۆ کچان ده‌که‌ن به‌ورته‌وه‌ ڕسته‌ی سه‌ودابوونیان لۆ فڕێ ده‌ده‌ن: ڕێ ی دنکه‌ ترێ که‌ن ! کچه‌ش هه‌نده‌رانیانه‌ بیری ده‌کرده‌وه‌ هه‌ستی به‌ دوانه‌ سه‌رسامیه‌ی کوڕه‌ له‌خۆبردوه‌که‌ نه‌کرد وه‌ک ئه‌وه‌ی له‌گه‌ڵ ئه‌ویشی نه‌بێ هه‌ر تێنه‌گه‌یشت ! کچی پوری تێگه‌یشت و فسکه‌یه‌کی به‌گوێداکرد ئه‌وه‌ له‌گه‌ر تویان بوو ! توخوا ! چیان گۆت ؟ ته‌شقه‌ره‌یان پێکردی . کێ و که‌نگین ؟ تازه‌ ڕۆیی . له‌سه‌رێکی کۆڵانی بازاڕدا هاتنه‌ ده‌روه‌ و ڕووی له‌خاڵی کرد چه‌قاوه‌سوانه‌: خاره‌ ده‌مه‌وێ له‌و ماوه‌ی لێره‌مه‌ دوو شتم لۆ بکه‌ی . خاڵیش: به‌سه‌رچاو هه‌رچی بته‌‌وێ ؟ یه‌که‌میان ده‌مه‌وێ وه‌ک بێری مانگا یا بزنه‌کی بدۆشم . دووه‌میش: ده‌مه‌وێ بچمه‌ سه‌رکۆشی حاجی ! خاره‌ش پێکه‌نی زانی خوارزاکه‌ی هه‌نده‌رانی یه‌ قۆشمه‌بازه‌ ڕه‌وان بێ پێچ و په‌نا ده‌دوێ: وه‌ی به‌سه‌رچاوی خاره‌ی دۆشین زۆر ئاسانه‌ به‌س چه‌تیمه‌سه‌ حاجی کێ یه‌ و سه‌رکۆشیشی ! ئه‌وه‌ت کو لێ قبور بکه‌م یان لۆت جێ به‌جێ بکه‌م ؟ کچه‌ش ده‌ستی بۆ قه‌ڵات درێژ کرد ئیبن مسته‌وفی نیشاندا ئه‌وێ سه‌رکۆشی حاجی یه‌ که‌ چووه‌سه‌ر په‌یکه‌ره‌که‌ بووه‌ پیتێکی په‌رتوکی داهاتوو خوێنی ئه‌و فه‌یله‌سوفه‌ کورده‌ وه‌ک پێوه‌نده‌یی ماچێکی ڕێز و پیرۆزه‌یی له‌ڕیشی کرد.




Dlshadtakana@yahoo.com

 


 

           

 

16/07/2010

 

goran@dengekan.com

 

dengekan@yahoo.com