پرۆژه‌كه‌ی كامیل ژیر بۆ سه‌ربه‌خۆیی كوردستان و
هێرشێكی كۆمۆنستانه‌
 

  

نووسینی : هاوبیر سه‌روه‌ر


هه‌ر كه‌ ئه‌و پروژه‌یه‌م خوینده‌وه‌ ، زانیم كومونستیك ، جاشیك یا جلخواریك به‌ر تانه‌ی ئه‌داو كامیل ژیریش ئه‌كا به‌ فاشست و نازی . هه‌رواش ده‌رچو. موزه‌فه‌ر عبدولا ناویكی باوه‌ڕكومونست روژی 26\ 6 \ 2010 له‌سایتیHTTP://WWW.DENGEKAN.COM
دوای ده‌ روژیك له‌ بلاوكردنه‌وه‌ی ، كه‌وته‌ وه‌شاندنی لیسی كوێرانه‌یماركسیانه‌ .
به‌لای منه‌وه‌ هه‌موو كه‌س ئازاده‌ بۆ ره‌خنه‌گرتن . هه‌موو ره‌خنه‌یه‌ك، ره‌وا یا ناره‌وا: به‌ده‌رنیه‌ له‌ سوود. ئه‌م ره‌خنه‌یه‌ ئه‌گه‌رچی دوای په‌نجا سال هه‌مان دیدوبوچوونه‌كانی كاك محه‌مه‌دی مه‌لا كه‌ریمه‌ به‌رامبه‌ر به‌ كامیل ژیرو هاوبیره‌كانی ، بواریان ره‌خسان بۆ وتووێژیك كه‌ ئه‌بیته‌ خۆراكیكی هزری بو فراوانكردنی ئاسوی بیری خوێنه‌ر. ئنجا كام له‌ راكان جیگیر ئه‌بێ‌ ؟ ئه‌وه‌ روژگار ده‌ریئه‌خا وه‌كچۆن روژگار ده‌ریخست باوه‌ری كومونستی تابێ‌ ئه‌داته‌ دواوه‌وریكخستن و داموده‌زگاو ده‌وله‌ته‌كانیشیان ئه‌پووكینه‌وه‌، به‌جوریك كه‌هه‌ر رابه‌ره‌كانی خۆیان په‌نجه‌ی په‌شیمانی ئه‌گه‌زن و هه‌ره‌سیان پێده‌ هێنن ، به‌پیچه‌وانه‌ی باوه‌ری نه‌ته‌وه‌ییه‌وه‌ كه‌ روژله‌دوایروژ گه‌شه‌ ئه‌كاوریكخستن و دام و ده‌زگاو ده‌وله‌ته‌كانیشیان پیشتر ئه‌كه‌ون و مروڤه‌كانیان به‌هه‌موو چینه‌كانیه‌وه‌ تیروپڕتر ئه‌ژین .
سیستمی دیموكراتی به‌رهه‌می كومه‌لگه‌ نه‌ته‌وه‌ییه‌كانه‌ كه‌ تا راده‌یه‌كی زوّر ئازادی و مافی مروڤی ده‌سته‌به‌ر كردوه‌ . هه‌موو كومه‌لگه‌ دیموكراتییه‌كان كومه‌لگه‌ی نه‌ته‌وه‌یین و وازیان له‌هیچ تایبه‌تمه‌ندییه‌كی نه‌ته‌وه‌یی خۆیان نه‌هێناوه‌ ، نه‌
هه‌ستی نه‌ته‌وه‌یی نه‌ خاك نه‌ زمان نه‌ كلتوورو...هتد به‌پیچه‌وانه‌ی سیستمه‌ كومونسته‌كانه‌وه‌ كه‌ ئه‌یانویست ئه‌و پیروزمه‌ندیانه‌ نه‌هێلن ، به‌لام خۆیان نه‌مان و خه‌یالپلاوه‌كانی كارل ماركس هیچیان لیسه‌وز نه‌بوو ته‌نانه‌ت كیشه‌ی ورگیشیان بۆ چاره‌سه‌ر نه‌كرا ، سه‌رباری ئه‌وه‌ی مروڤ بینرخترین سه‌رمایه‌بوو له‌ ده‌وله‌ته‌ كومونسته‌كاندا. ئه‌وه‌شی به‌چاوی خومان بینیمان سیستمه‌ كومونسته‌كان فاشستیترین سیستم ده‌رچوون .
سیستمه‌كانی ئه‌لمانیای هیتله‌رو عیراقی سه‌دام و هاوشیوه‌كانیان ، سیستمی نه‌ته‌وه‌یی نه‌بوون . ئه‌وانه‌ نازی و فاشیبوون . نازی و قاشی و نه‌ته‌وه‌یی سێ‌ شتی جیاوازن و كومونسته‌كان بۆ مه‌به‌ستی سیاسی تیكه‌لاویان ئه‌كه‌ن .
هه‌موو به‌رهه‌مه‌كانی كامیل ژیرو هه‌موو نووسراوه‌كانی كاژیك و پاسوك و كونگره‌ی نیشتمانی و نووسه‌ره‌ نه‌ته‌وه‌ییه‌كانیكه‌ ، یه‌ك وشه‌یان تیدانیه‌ كه‌ بۆنی نازیتی و فاشیتی و شوڤینیتیان لیبیت . به‌لام ئه‌وانه‌ چونكه‌ دژی كومونستی و پانئیسلامی و جاشیتی و جلخواری { توركیاچیتی و عیراق و ئیر انچیتی }و هه‌موو جوره‌ گه‌نده‌لییه‌كن ، بۆیه‌ له‌ولایه‌نانه‌وه‌ دژایتی ئه‌كرین و بوختانیان بوئه‌كرێ‌ .
پروژه‌كه‌ی كامیل ژیر ، زور كرده‌یی و نزیك له‌ به‌دیهێنانه‌ ئه‌گه‌ر ده‌سه‌لاتی هه‌ریم به‌ده‌ست خه‌لكی بوێر و پاك و بیركراوه‌وه‌ بێ . ئه‌م پروژه‌یه‌ فاشستینیه‌ چونكه‌ سته‌م له‌ هیچ كه‌س و نه‌ته‌وه‌یه‌ك ناكا و هیچ نه‌ته‌وه‌یه‌ك ناكا به‌كوردو هیچ جیاكاریه‌كی نه‌ته‌وه‌ییشی تیدانیه‌ . باشوورو هه‌ریم و ناوچه‌ داگیركراوه‌كان به‌ ملكی پوختی هه‌موو كوردیك ئه‌زانێ له‌سه‌رتاسه‌ری كوردستانداو وه‌كیه‌ك مافیان هه‌یه‌ تیا نیشته‌جێبن و ره‌گه‌زنامه‌ وه‌رگرن و خۆبپالێون و ده‌نگبده‌ن بۆ هه‌ر كۆڕو ده‌زگایه‌ك ، وه‌ك كامیل ژیر له‌ هونراوه‌یه‌كیدا وتوێتی :
كێن له‌ قه‌ندیلن ؟
بازی ئازادن یا كه‌وی دیلن؟
هه‌رچیبن كوردن
ره‌سه‌ن و مه‌ردن
روو گه‌ش و ئاڵن
له‌هه‌رجێیه‌كی ئه‌م كوردستانه‌
خاوه‌نی ماڵن
ئه‌م پروژه‌یه‌ جیاوازه‌ له‌وه‌ی سه‌دام كه‌ ئه‌یویست سێ ملیون فه‌له‌ستینی له‌ كوردستان نیشته‌جیكا . ئه‌م ئه‌یه‌وێ‌ چه‌ند ملوینێ له‌ كوردی باكوورو روژهه‌لات و روژئاوا له‌باشوور نیشته‌جیكا كه‌ ئه‌وه‌ش ئاساییه‌ و مافی خۆیانه‌ هه‌رهیچنه‌بێ‌ بۆ پڕكردنه‌وه‌ی جیگه‌ی ئه‌و لاوانه‌ی سه‌ری خۆیان هه‌ڵگرتوه‌ بۆ روژئاوا یا بۆ جیگه‌ی ئه‌نفالكان ، سه‌رباری مه‌به‌ستی پروژه‌كه‌ . ئه‌وه‌ بوچی به‌عه‌ره‌بكردنی نیوه‌ی باشووری كوردستان لای ئه‌م موزه‌فه‌ره‌ كاره‌ساتنیه‌ و به‌و پروژیه‌ مروڤایه‌تی شكستئه‌هینێ ؟ كه‌ی ئه‌وه‌ وه‌ك پروژه‌كه‌ی سه‌دامه‌ ؟ گریمان وه‌ك ئه‌ویشبێ ، جاچییه‌ ؟ ئیمه‌ تاكه‌ی كوری خومان بكه‌ین به‌قوربانی كچی خه‌لك ؟ ئه‌ی { جزاۆ السیئه‌ سیئه‌ }نیه‌ ؟
ئه‌م قه‌له‌مه‌ دڵی به‌وه‌ش ژانئه‌كا كه‌ ئه‌گه‌ر كامیل ژیر له‌گوشه‌نیگای به‌رژه‌وه‌ندیه‌ ئایدولوژی و ئابووریو سیاسیونه‌ژادیو قه‌ومی خۆیه‌وه‌ سه‌یری مروڤایه‌تی بكا ، ئه‌ی هاورێ‌ تۆ ئه‌ته‌وێ‌ له‌ گوشه‌نیگای به‌رژه‌وه‌ندیی كێوه‌ ماڵی خوی ونه‌ته‌وه‌كه‌ی ویرانكا ؟ دیاره‌ تو َ ئه‌و ویرانكردنه‌ت ئه‌وێ‌ پشتبه‌ست به‌ بیردوزه‌ به‌دناوه‌كه‌تان {قوربانیدان به‌ كه‌مینه‌ له‌پێناوی زورینه‌دا . ده‌ بۆیه‌ پروژه‌كه‌ ره‌واو پیروزه‌ بۆئه‌وه‌ی له‌و كه‌مینه‌یه‌تیه‌ رزگارمانبێ‌ . ئه‌گه‌ر وانیه‌ ، ئه‌وه‌ كێ‌ تائیستا وازی له‌ پچووكترین به‌رژه‌وه‌ندیی خۆی هیناوه‌ له‌پیناوی مروڤه‌كانی كوردا ؟ كام له‌ده‌وله‌ته‌ كومونسته‌كان وازی له‌ پچووكترین به‌رژه‌وه‌ندی خۆی هینا بۆ مروڤایه‌تی ؟ جگه‌له‌وه‌ ئاخۆ سه‌ركرده‌
كومونسته‌كان ، سه‌رده‌سته‌یان ستالین ، ئه‌وه‌نده‌ به‌ته‌نگ مروڤ وه‌ك بوونه‌وه‌ریكی سروشتیو كومه‌لایه‌تیه‌وه‌بوو؟
ئه‌میش وه‌ك هه‌موو قه‌له‌مه‌ كومونسته‌كانیتر ئه‌لێ‌ { هه‌موو ره‌وته‌ ناسیونالیسته‌كان ، به‌هی كوردیشه‌وه‌ ، هاوشێوه‌ی یه‌كن و هه‌موویان ئاو ئه‌ڕژیننه‌ ده‌ریای فاشیزم و نازیسمه‌وه‌ .. له‌م روه‌وه‌ كامیل ژیرو پروژه‌كه‌یو هه‌مووئه‌و كه‌سایه‌تیه‌ ئه‌كادیمیو لایه‌نه‌ سیاسیانه‌ بیانه‌وێ‌ یا نه‌یانه‌وێ‌ پیاده‌كه‌رو لاسایی كه‌ره‌وه‌ی سیاسه‌ته‌ فاشییه‌كانیسه‌دام و حیزبی به‌عسن }
ئه‌م تومه‌ته‌ گه‌وره‌یه‌ هه‌ر له‌وانه‌ ئه‌وه‌شیته‌وه‌ كه‌ سه‌رده‌میك چوونه‌ ژێر بالی سه‌دام و به‌عسه‌وه‌و به‌جووته‌ دژی شورشی كورد وه‌ستانه‌وه‌. راستیه‌كه‌ی فاشیتیو نازیتیو به‌عسیتی جیاوازن له‌ نه‌ته‌وایه‌تی . ئه‌وانه‌ ئه‌گه‌ر بۆیه‌ی نه‌ته‌وایه‌تیان له‌خویان دابێ‌ ، ئه‌وه‌ وه‌ك ئه‌و بویه‌ی دیموكراتیه‌یه‌ كه‌ كومونسته‌كان بۆ ده‌سبڕین هه‌میشه‌ له‌خۆیانی هه‌ڵئه‌سوون . له‌م روه‌وه‌ كومونسته‌كان چه‌ند دیموكراتین ئه‌و سێ‌ توخمه‌ش ئه‌وه‌نده‌ نه‌ته‌وه‌یین . ئنجا نه‌ته‌وایه‌تیش ئه‌گه‌رچی له‌ هه‌ندێ‌ هیڵی گشتیدا له‌یه‌كچوونیك هه‌بێ‌ له‌نیوانیاندا به‌لام له‌ورده‌كارییه‌كانیاندا جیاوازن له‌یه‌ك و هه‌ر نه‌ته‌وه‌یه‌ك نه‌ته‌وایه‌تیه‌كه‌ی خۆی به‌پێی بارودوخی خۆی ئه‌گونجێنێ‌. بۆ زانیاری زیاتر له‌مباره‌یه‌وه‌ ، خوێنه‌ره‌وه‌ی خوشه‌ویست به‌ره‌ورووی په‌رتوكه‌ به‌نرخه‌كه‌ی د. جه‌مال نه‌به‌ز ئه‌كه‌مه‌وه‌ به‌ناونیشانی {بیری نه‌ته‌وه‌یی كوردی نه‌بیری قه‌ومیه‌تی روژهه‌لاتی و نه‌بیری ناسیونالیزمی روژئاواییه‌ }
دیارده‌ی نه‌ته‌وایه‌تی {ئاكامی كیشه‌و ململانێی چینایه‌تی كومه‌لایه‌تی میژوویی} نیه‌ وه‌ك ئه‌م نووسه‌ره‌و هاوریكانی ئه‌یلێن . ئه‌وه‌ قه‌وانیكی كۆنی سواوه‌و مه‌گه‌ر كه‌سانیكی له‌ كاروانی گه‌شه‌كردنی بیرو ژیان به‌جیماوی وه‌ك ئه‌م نووسه‌ره‌ ، گوێ‌ له‌ ئاوازه‌ ناسازه‌كه‌ی بگرێ‌ . ژیر له‌په‌نجاكانی چه‌رخی رابوردوودا وتوێتی :
ئه‌لێ‌ كرده‌م جێی داخ نیه‌
كوردایه‌تیم قۆناغ نیه‌
ئامانجیكه‌ نه‌مر ، پیرۆز
مه‌شخه‌ڵێكه‌ بۆ گه‌ل و هۆز
جائه‌گه‌ر نیوه‌ چه‌رخێ‌ له‌مه‌وبه‌ر كه‌نیوه‌ی مروڤه‌كانی سه‌ر گۆی زه‌وی ، به‌بیروباوری ماركسیتی به‌نج بووبوون
، بۆحه‌مه‌ی مه‌لا كه‌ریمیكی ده‌رویشی ئه‌و ریبازه‌ ، بیانوویه‌ك هه‌بووبێ‌ بۆ په‌لاماردانی كامیل ژیر له‌سه‌ر بیرۆكه‌ی ئه‌و هۆنراوه‌یه‌ ، ئه‌وا ئیستا دوای بیروسترویكاو گلاسنوس و دوای هه‌ره‌سی بلوكی سوشیالستی ..هیچ بیانوویه‌ك بۆ ئاقلێك نه‌ماوه‌ كه‌ هیرش بكاته‌ سه‌ر ئه‌وانه‌ی ناسنامه‌ی نه‌ته‌وه‌یی به‌ ناسنامه‌یه‌كی ئه‌به‌دیو ئه‌زه‌لی ئه‌زانن و پیرۆز رایئه‌گرن ، مه‌گه‌ر ئه‌و تاك و ته‌راو په‌راگه‌ندانه‌ی هیشتا له‌ ئه‌شكه‌وتی نه‌زانیندا پرخه‌ی خه‌ویاندێ‌ .
ئه‌م قه‌له‌مه‌ دواكه‌وتوه‌ له‌ كاروانی مروڤایه‌تی ، وه‌ك هه‌نگی له‌دارا دۆزیبیته‌وه‌ ، نوساوه‌ به‌ خاڵی {فره‌ژنی}دا له‌ پروژه‌كه‌دا ، له‌كاتیكدا كامیل ژیر خۆی له‌پروژه‌كه‌یدا ئه‌لێ‌:{ئیمه‌ وه‌ك كونگره‌ی نیشتمانی كوردستان هه‌میشه‌ دروشمی مافه‌كانی ئافره‌تمان به‌رزكردوته‌وه‌ كه‌ یه‌كیك له‌و مافانه‌ ، تاكژنیه‌ . ئیستاش له‌رووی مافی مروڤ به‌گشتیو مافی ژن به‌تایبه‌تی هه‌مان دیدوبوچوونمان هه‌یه‌ }ئه‌و له‌پروژه‌كه‌یدا داوای ته‌نیا 10 تا 14سالیكه‌ی كردوه‌ بۆ فره‌ژنی له‌پێناوی زوربوونی مندالی كوردو به‌رزبوونه‌وه‌ی ریژه‌ی كورد له‌ عیراقدا بۆئه‌وه‌ی له‌وه‌زیاتر به‌كه‌مینه‌یه‌تی نه‌مینیته‌وه‌ و ...هتد . ئنجا له‌راستیشدا ئیمه‌ بمانه‌وێ‌ یانه‌مانه‌وێ‌ ئه‌وه‌ زیاتر له‌ 1400ساله‌ فره‌ژنی دریژه‌ی هه‌یه‌و دریژه‌ی هه‌ر ئه‌بێ‌ به‌پێی ئاین و یاسای باری كه‌سیتیش له‌ پیناوی ئاره‌زووی پیاودا ، ئه‌ی بوچی ئه‌بێ‌ له‌پیناوی سه‌ربه‌ خۆیی كوردستاندا ئه‌و ماوه‌ كه‌مه‌ دریژه‌ی نه‌بێ‌ به‌بێ‌ رژانی خوێنی ئه‌و مروڤه‌ی ئیوه‌ به‌چاو بوی ئه‌گرین و به‌كرده‌وه‌ بێنرخی ئه‌كه‌ن؟
ژیر له‌م ته‌مه‌نی 76سالیه‌دا فره‌ژنی بۆخۆی ناوێ‌ . فره‌ژنی ، جگه‌ له‌و مه‌به‌سته‌ ، سوودی زۆری بۆ كیشه‌ی قه‌یره‌ كچ و بێوه‌ژنیش هه‌یه‌ كه‌ ئه‌مرۆ له‌ كوردستاندا كیشه‌یه‌كی كۆمه‌لایه‌تیو مرۆییه‌ .ئه‌وانیش ئافره‌تن و مافی خۆیانه‌ له‌ چێژی ژیان بێبه‌ش نه‌بن . ئنجا ئیوه‌ به‌پێی چ یاسایه‌ك وچ بریكارنامه‌یه‌ك خۆتان كردۆته‌ ده‌مڕاست و پاریزه‌ری ئافره‌ت وه‌ك ژیر له‌ هۆنراوه‌یه‌كیدا ئه‌لێ‌ :
له‌و شتانه‌ش سه‌مه‌ره‌تر
جیگه‌ی پێكه‌نینی پتر
ئه‌و بیره‌ كه‌رتوپه‌رتانه‌
خۆیانكردۆته‌ ده‌مڕاست و
داواكاری مافی ئافره‌ت بێ‌ وه‌كاله‌ت
ئه‌وه‌ له‌كاتیكدا له‌چه‌رخی گه‌شه‌ی مروڤایتی بیسته‌م و بیست و یه‌كه‌مدا هیچ كومه‌لگه‌یه‌ك ئه‌وه‌نده‌ی كومه‌لگه‌ كومونسته‌كان مروڤی تیدا بێ‌نرخ نه‌بوه‌ به‌پیاوو ژن و مندالیشه‌وه‌ . مروڤ له‌و گومه‌لگه‌یانه‌دا هیچ مافیكی دیموكراتی نه‌بوو و نیه‌ . جگه‌له‌ پارته‌ كومونسته‌كان هیچ كومه‌له‌ مروڤیك ریگه‌یان نه‌ئه‌درا پارتیكی دیكه‌ دامه‌زرینن . ئایا ئه‌وه‌ ئافره‌تنه‌بوو له‌و كومه‌لگه‌یانه‌دا له‌پیناوی پاكه‌تێ‌ جگه‌ره‌دا {نه‌ك له‌پیناوی حه‌زی خۆێدا}له‌شی خوی ئه‌فروشت ؟ ئایا ئه‌وه‌ی ستالین به‌ مروڤه‌ دوكتورو زاناكانی كرد ، هولاكو و جه‌نگیزخان ئه‌وه‌یان كردوه‌؟ ئایا ئه‌وه‌ی رژیمی فاشستی سوڤیت له‌سه‌ر داخوازی ئه‌تاتوركی فاشی به‌ مروڤه‌ كورده‌كانی یه‌كیتی سوڤیتی كرد به‌پیاوو ژن و مندالیانه‌وه‌ ، كه‌متربو له‌وه‌ی عه‌ره‌ب و تورك و فارس به‌ كوردیان كردوه‌ ؟ ئه‌وه‌یه‌ ئه‌و مافی ژنه‌ی هاورێیان فرمیسكی تیمساحی بۆ ئه‌ریژن {بێ‌ وه‌كاله‌ت }؟
ئیمه‌ پێمانوایه‌ دیكتاتوریتی پرولیتاریاو دیكتاتوریتی فاشیه‌كان جیاوازییه‌كیان نیه‌ . هه‌ردوكیان ئاو ده‌ڕژیننه‌ ده‌ریای نازیسم و فاشیزم و به‌عسیزمه‌وه‌.
ئه‌م قه‌له‌مه‌ كونه‌په‌رسته‌ كه‌ ئیستاش به‌ بیروكه‌ كۆن و په‌ككه‌وته‌و ناكرده‌ییه‌كانی دووچه‌رخ له‌مه‌وپیشی ماركس{1817_1883} بیرئه‌كاته‌وه‌، چواجار ناڕه‌وا تومه‌تی عه‌شیره‌تگه‌ری ئه‌داته‌ پاڵ ژیرو هاوبیره‌كانی، كه‌ له‌راستیدا عه‌شیره‌تگه‌ری له‌ فه‌رهه‌نگی هاوبیرانی كوردایه‌تیدا بوونی نیه‌ ، به‌لكو ئه‌وه‌ ژیرو هاوبیره‌كانیتی كه‌ په‌نجا ساله‌ دژی ده‌ره‌به‌گایه‌تی وه‌ستاونه‌ته‌وه‌{بڕوانه‌ كاژیكنامه‌ } . هه‌روه‌ ها دژی حوكمی گه‌نده‌لیو بنه‌ماله‌یه‌تی له‌ هه‌ریمی كوردستاندا، له‌كاتیكدا شیوعییه‌كان و ماركسیه‌كان بوونه‌ته‌ ده‌سه‌نه‌خۆری ئه‌و بنه‌ماڵانه‌ . ژیر 53سال له‌مه‌وبه‌ر به‌رگری له‌ كچه‌ جوتیارێك ئه‌كاو ئه‌لێ‌:
به‌رهه‌میش بو كێ‌؟ بۆ به‌گ و خانم ؟
دادیش بێ‌و بلێ‌ له‌ناوناوانم ؟
ئه‌م قه‌له‌مه‌ كه‌ تائیستا نه‌مدیوه‌ نووزه‌یكی لیوه‌بێ‌ بۆ مه‌رگه‌ساتی مروڤه‌ سه‌رگه‌ردانه‌كانی كورد، ئیسته‌ بۆچی وا زمانی پشكوتوه‌ له‌دژی پروژه‌یه‌ك بۆسه‌ربه‌خۆیی كوردستان به‌بێ‌ خوێن ؟ تۆبڵێی ئه‌م كاسه‌یه‌ بێ‌ ژێركاسه‌بێ‌ ؟ له‌كۆتاییدا ئه‌لێم ئه‌گه‌ر هه‌رجۆره‌ پروژه‌یه‌ك و هه‌ر جۆره‌ خه‌باتێكی دوور له‌ پاشكۆیه‌تیو نۆكه‌رایه‌تی
،فاشێتیونازیتیبێ‌، ئه‌وا منیش به‌شانازییه‌وه‌ فاشیو نازیم .


---------------------

بابه‌ته‌که‌ی کامیل ژیر:

پرۆژه‌یه‌ک بۆ سه‌ربه‌خۆیی کوردستانبه‌بێ خوێنکامیل ژیر

بابه‌ته‌کی موزه‌فه‌ر عه‌بدوڵڵا:
پرۆژه‌كه‌ی كامل ژیر هه‌مان پرۆژه‌ی سه‌دام حوسه‌ێنه‌...!(ده‌رباره‌ی پرۆژه‌ی سه‌ربه‌خۆیی كوردستان به‌ بێ خوین)موزه‌فه‌ر عه‌بدوڵا

 

           

 

02/07/2010

 

goran@dengekan.com

 

dengekan@yahoo.com