|
هه‌بوو نه‌بوو نیشتيمانێک هه‌بوو
پڕ بوو له خودای ده‌مارگیر
پڕ بوو له فریشته‌ی له‌شفرۆش
پڕ بوو له عاشقی فاشیل
پڕ بوو له فه‌یله‌سووفی نه‌خوێنده‌وار
پڕ بوو له شاعیری دڵڕه‌ق
پڕ بوو له سیاسه‌تمه‌داری لنگه‌وقووچ
پڕ بوو له پێشمه‌رگه‌ی گوێڕایه‌ڵ
پڕ بوو له جاشی شۆڕشگێڕ
پڕ بوو له مه‌لای دوازده نهۆم
پڕ بوو له منداڵی سه‌ر سپی
پڕ بوو له گه‌نجی په‌شيمان
پڕ بوو له قه‌یره کچی مه‌ئیوس
پڕ بوو له بێوه‌ژنی کۆسکه‌وتوو
پڕ بوو له پاڵه‌وانی ژنکوژ
پڕ بوو له فاڵچی ئیماندار
پڕ بوو له بازرگانی به قاچاخبردنی عه‌شق
پڕ بوو له ده‌وڵه‌مه‌ندی کرێچی
پڕ بوو له خه‌ریجی کۆترباز
پڕ بوو له حه‌کیمی لۆتی
پڕ بوو له ده‌لیلی ناشاره‌زا به کۆڵانه‌کانی جوانی
پڕ بوو له ساقیتی پار و پێرار
پڕ بوو له عه‌ره‌بانچی مه‌غروور
پڕ بوو له مرۆڤی کۆپیکراو
پڕ بوو له جه‌نگاوه‌ری شکاو
پڕ بوو له کاڵه‌کخۆری به‌ر سێبه‌ر
پڕ بوو له پۆلیسی هاتووچۆی فڕۆکه
پڕ بوو له بازگه‌ی پشکنینی گیرفانه‌کانی کۆتر
پڕ بوو له خاڵی گومرگکردنی مێرووله
پڕ بوو له سۆزانی خواناس
پڕ بوو له داواکاری ڵاڵ
پڕ بوو له به‌ردی هه‌له‌وه‌ڕ
هه‌بوو نه‌بوو نیشتیمانێک هه‌بوو
پڕ بوو له‌مانه‌ی سه‌ره‌وه و زیاتريش
کتومت له نیشتیمانی تۆ ده‌چوو..
Esmael970@yahoo.com
|
