|
چاو : له‌ڕۆژئاوای کوردستان هه‌ڵمه‌تێکی به‌ره‌نگاری
دژی داگیرکار و تیرۆرستان به‌رده‌وامه نه‌ک کورد به‌ڵکو
دنیای مرۆڤایه‌تی پشتیوانیانه به‌ڵام هه‌ڵه‌یه‌کی
زمانه‌وانی گه‌وره زارگۆ کراوه هیچ ئه‌رزشێکی واتایی
و شیاوی نی یه وا خه‌ریکه زمانیش به‌سیاسه‌ت ده‌برێ
! کێ شه‌ڕڤانه ؟ شه‌ڕڤان واتای چی یه ؟ شه‌ڕڤان ده‌کاته
شه‌ڕه‌وان یا شه‌ڕفرۆش یا شه‌ڕچی له‌چه‌قۆکێش و شه‌قاوه
نزیکه ئه‌گه‌ر برایان نه‌بێ دڵنیا ئامۆزایانه !
پێکهاته‌ی وشه‌ی شه‌ڕ و پاشگرێکه ڤان که‌ده‌کاته
وان . ڕاسته ئه‌وان ناونانی شه‌ڕڤان له‌پێداهه‌ڵگۆتنی
خۆڕاگری و عه‌گیدیه به‌واتا مه‌جازیه‌که‌ی قاره‌مانی
یه به‌ڵام له‌واتای زمانزانیه حه‌قیقیه‌که‌ی ته‌واو
هه‌ڵه‌یه و ده‌بێ لێ ی پاشگه‌زبنه‌وه بیگۆڕن . بۆ
به‌رچاو ڕوونی له‌سۆرانی داره‌وان ، مه‌له‌وان ، گاوان
، شاخه‌وان ....تاد. داره‌وان که‌سێکی داربڕه یا به‌سه‌ر
داران هه‌ڵده‌گه‌ڕێ ، مه‌له‌زان ده‌کاته مه‌له‌وان ،
گاوان پارێزه‌ری گایه‌کانه ، شاخه‌وانیش به‌شاخان هه‌ڵده‌گه‌ڕێ
. پێم ناڵێن ئه‌و شه‌ڕه‌وانی یه چی یه ناویان له‌و
که‌سه جوامێر و میرخاسانه ناوه که له‌پێناوی
پاراستنی خاک و مرۆڤه‌کان گیانبازی ده‌که‌ن به‌ژیانیان
؟
بۆ صالح موسلیم و هاوبیرانی ..
با صاڵح موسلیم و هه‌موو پارته‌کانیان به‌خۆیان دا
بچنه‌وه چۆن ده‌کرێ که‌سێک پێشمه‌رگی خۆی که‌وتبێ له‌پێناو
خاک و گه‌له‌که‌ی شار و گونده‌که‌ی ژیانی ببه‌خشێ به‌شه‌ڕاون
و شه‌ڕچی ناوزه‌ند بکرێ ؟ ئایا داگیرکار و داعشه‌کان
شه‌ڕڤانن که یه‌کسانه به‌شه‌ڕانگیز و شه‌ڕه‌وان یا
پێشمه‌رگه خۆبه‌خشه‌کانی کورد که پارێزگاری له‌شکۆمه‌ندی
کوردایه‌تی و خاکی کوردستان ده‌که‌ن ؟ خێره ئه‌و هه‌موو
شێره‌ژنه‌ی دنیا چاوی له‌ده‌ست و تفه‌نگیانه به‌شه‌ڕخواز
پێناسه بکرێن !
ئۆجه‌لان و بیرکاریه‌که‌ی !
تاکه‌ی به‌بیر و هۆشی تورکانه بیرده‌که‌نه‌وه ؟ خێره
ناوی پێشمه‌رگه‌کانی باکورتان نا گه‌ریلا ؟ پێمان
ناڵێن له‌کوردیدا گه‌ریلا چی یه و چی ده‌گه‌یه‌نێ ؟
جیاتان کردنه‌وه له‌پێشمه‌رگه‌یه‌کی کوردی خۆکردی
خۆماڵی جوان پێناسه ، جیاتان کردنه‌وه له‌پێشمه‌رگه‌کانی
باشور و ڕۆژهه‌ڵات ! خۆ وشه‌ی پێشمه‌رگه مڵکی پارته‌کان
نی یه ؟ باشترنی یه لۆ یه‌کسانی و لێک جیانه‌کردنه‌وه‌ی
ته‌واوی هیزی گه‌لی کوردستان هه‌مان ناوی یه‌کگرتوومان
هه‌بێ ؟ له‌جیاتی پارچه پارچه‌یی که‌خاکه‌که‌مان
داگیرکراوه له‌ده‌س خۆمان نه‌بووه ، خۆ هێزه‌کانمان
و ناوه‌که‌یان بۆ یه‌کگرتنه‌وه له‌ده‌ست خۆمانه ؟
جیاکاری ناهێلێ له‌بیر و کرداردا که‌هه‌ردوولا هه‌مان
ئامانجیان هه‌یه . خوا خێرتان نه‌نوسی که به‌خۆتان
دا ناچنه‌وه ! ئه‌وه ڕۆژئاواش به‌دواتان داهاتن .
سیاسیه‌کانی ڕۆژئاوا ..
ئه‌رێ ئێوه زمانزان و وێژه‌وانه‌کتان نی یه کوردی
زان بێ وشه‌یه‌کی جوان به‌به‌ری لاوه جوامێر و قیزه
ڕنده‌کانتانه‌وه بکا جیا له‌وشه‌ی شه‌ڕڤان که‌له‌عه‌ره‌بی
ده‌کاته ( المقاتل ) ؟ خۆ کوڕ و کچی کورد کوشتارگه‌رنین
؟ هه‌رپاچ و داپاچ وه‌ک تیرۆرستان به‌زه‌ییان له‌ناخدا
نه‌بێ ! هه‌رکه‌سێکی بێگانه له‌واتای وشه ناونراوه‌که‌تان
(شه‌ڕڤان) بگات چۆنتان هه‌ڵده‌سه‌نگێنێ و چۆنتان تێده‌گات
؟ هه‌رگیز شه‌ڕڤان و شه‌ڕه‌وان ناکاته جه‌نگاوه‌ر
دڵنیابن . هیوادارم به‌هه‌مووان هه‌رچی که‌موکوڕی
زمانه‌که‌مان هه‌یه که‌می که‌ینه‌وه ، هۆکار و
ڕونکاری له‌سه‌ر ئه‌نجام بده‌ین ئه‌گه‌ر ته‌واو پێشمان
ڕاست نه‌کرێنه‌وه ! چونکه زۆرجار ناوی هێزی سوپایی و
پارێزگاری به‌بڕیاری سیاسی چاره‌ده‌کرێت ئه‌گه‌ر هه‌موو
نوسه‌ر و زمانزان و ڕۆژنامه‌ڤان .... پێشنیار بکه‌ن !
به‌دڵنیایش هه‌ر نوسینکار ئه‌وانه‌ن سه‌رکرده‌ی ڕا و
پێشنیار به‌ڵام سیایسیه‌کان زیاتر جێبه‌جێکار و ده‌سه‌ڵاتن
خۆبادانی پێوه‌ده‌که‌ن .
پێشمه‌رگه ..
ناوی هێزێکی نیشتمانی کوردی و کوردستانی یه ، له‌زمان
دا بریتیه له‌وشه‌ی مه‌رگ له‌گه‌ڵ ناوی شوێن وه‌ک پێش
و پاش ، سه‌ر و بن ...تاد لێکدراوه به‌پێشگری ( پێش )
بووه به‌پێشمه‌رگه واته مرۆژ پێش مه‌رگی خۆی که‌وێ
ئێستا زاراوه یا ده‌سته‌واژه نی یه به‌ڵکو ناوه .
ناوێکی خۆش و کوردی ، فه‌نتازی و ڕۆمانسی ، دوژمن
ترسێنه‌ر و کاریگه‌ر ، ناوێکی موزیکی و ڕوحانی پیرۆزه
له‌واتا مرۆڤایه‌تیه‌که‌ی گیانبازی و قوربانی دانه
.... زۆرجار خه‌ڵکانی هه‌نده‌ران ڕووبه‌ڕووی پرسیاری
بێگانه‌کان ده‌بنه‌وه ده‌پرسن : پێشمه‌رگه چی یه ؟
له‌ڕووی پێناسه و ناساندی وه‌ڵام ده‌درێنه‌وه هه‌روه‌ها
له‌گه‌ڵ ڕونکردنه‌وه‌ی زمانه‌وانی که ناوێکی کوردی
پێکهاته‌که‌ی چی یه . مادام به‌پێشمه‌رگه و پێشمه‌رگایه‌تی
ڕازی نین فه‌رموون ئێوه هه‌ڵبژێرن .
ئاشتیڤان یان پارێزڤان ..
خۆ ئه‌گه‌ر سواری که‌ری به‌په‌ڕۆ بوونه و نایه‌نه
خوارێ هه‌رچه‌ندی هه‌چه‌ی لێبکه‌ن ناڕوا ناتانه‌وێ
ناوی پێشمه‌رگه‌یان لێ بنێن تکایه وشه‌کی گونجاو هه‌ڵبژێرن
ئاشتیڤان به‌واتای ئاشتیکاران ، ئاشتیخوازان ، خاوه‌ن
ئاشتی یان پارێزڤان که‌ده‌کاته پارێزه‌وان له‌خاک و
گه‌ل . ئه‌گه‌ر گێ له‌زمانزان و وێژه‌وانه‌کان ڕاناگرن
خۆ ڕۆژنامه‌نوسان حه‌یابه‌ره‌ن له‌ده‌ستی ئه‌وان چی ده‌که‌ن
؟ ئه‌وه نویژه و دوور و درێژه مێژووش ده‌تان هه‌نجنێ
ئه‌گه‌ر به‌خۆتان دا نه‌چنه‌وه ؟ ئه‌گه‌ر ئێوه
سۆرانی نازانن و فێرنابن ئه‌وا ئێمه کرمانجی دپه‌یڤین
، پڕ ڕند هین بووین . لاوۆ کورد گی یه‌کن هه‌ڤزمان و
ئاخن ، کوردستان یه‌کی یه نه‌چار پارچه ! چما ئه‌م ژ
هه‌ڤدوو ده‌قه‌تێنن ؟ ده‌ترسێم پێشنیاره‌کانمان بۆ
ئێوه‌ش هه‌ر وه‌ک حکایه‌تی مێشی بی !
Dlshadtakana@yahoo.com
|
