کاروان عوسمان ساڵی 1968، له‌ گه‌ڕه‌کی مه‌ڵکه‌ندی، شاری سلێمانی له‌دایک بووه‌. ساڵی 1988 ئاماده‌یی کشتوکاڵی له‌ "به‌کره‌جۆ" ته‌واوکردووه‌. پاشان ڕوی له‌ جیهانی موزیک کردووه‌ و ‌ساڵی 1986 پله‌ی یه‌که‌می له‌سه‌ر ئاستی عیراق، له‌ ئامێری عود و گیتار دا هێناوه‌. یه‌که‌م گۆرانی که‌ خۆی پێناساندووه‌ "گۆرانی ئاهێک" ئاوازی موحه‌مه‌دی ماملێ و هۆنراوه‌ی سیروان حه‌مه‌ڕه‌شید بوو. له‌ ڕۆژی 12ی جانیوه‌ری 1989دا ده‌ستگیر ده‌کرێت و له‌ 31ی سێپته‌مبه‌ری 1991دا له‌ زیندانی "ابو غریب"‌ی به‌غداد له سێداره‌ ده‌درێت.